Guardiola nxjerr në shitje Ibrën?

Sipas të përditshmes sportive “Marca”, për ish-sulmuesin e Interit janë të interesuar Milani, Mançester Junajtid, Mançester Siti dhe çelsi. Madje sipas sportives tjetër, “As”, tekniku i Sitit, ka propozuar një shkëmbim me brazilianin Robinjo. Burime pranë katalanasve kanë pohuar për këtë të përditshme se “ka ardhur një ofertë që duhet studiuar”.

“Marca” thekson se suedezi vlerësohet me rreth 40-45 milionë euro, por çmimi mund të ulet. Kjo pasi kampionët e Spanjës duan të gjejnë një blerës i cili mund të përballojë rrogën vjetore të lojtarit, që shkon në rreth dhjetë milionë euro.