Gurakuqi: Nuk kam asnje procedim penal ne prokurori

Partia Demokristiane e drejtuar nga zevendesministri i Jashtem, Anton Gurakuqi deklaroi dje se nuk ka asnje ceshtje penale ne prokurori ndaj kreut te kesaj partie. Ne kete kuader kjo parti me ane te nje njoftimi per shtyp dergon edhe vertetimin perkates te Prokurorise se Tiranes, i cili tregon se nuk ka nisur asnje ceshtje penale ndaj Anton Gurakuqit. Sipas perfaqesuesve te kesaj partie, deklaratat se ndaj Gurakuqit eshte hapur nje proces hetimor jane te pabaza dhe shpikje.

"Kjo dhe te tjera, jane pjese e shpifjeve publike te deputetit Nard Ndoka, ndaj te cilit Kryetari i Partise Demokristiane, Zoti Anton Gurakuqi ka pergatitur nje padi penale ne Gjykate, per shpifje", theksohet ne njoftimin per shtyp te demokristianeve te drejtuar nga Gurakuqi. Keshtu shpjegohet se kjo parti ne respekt te shtetit ligjor kerkon edhe te sqaroj te gjitha akuzat e hedhura ndaj saj dhe te jap fakte ne lidhje me te verteten e procedimit penal ndaj kryetarit, njekohesisht zevendesministrit te Puneve te Jashtme, Anton Gurakuqi.