HEC i Ashtes, fillojne diskutimet me grupet e interesit

Fillon puna per pergatitjet e nevojshme per zbatimin e projektit te Hidrocentralit te Ashtes ne zonen e Shkodres. Keshtu ne kuadrin e ketyre pergatitjeve, eshte organizuar dje nje takimi me perfaqesues te ndryshem te interesuar per projektin e kesaj vepre hidroenergjetike. Ne kete takim te zhvilluar ne Bashkine e Vaut te Dejes ishin te pranishem zevendesministri i Ekonomise, Tregtise dhe Energjetikes, Neritan Alibali, prefekti i Qarkut te Shkodres, Maxhid Cungu, perfaqesues te pushtetit vendor ne Qarkun e Shkodres, si dhe perfaqesues te shoqatave dhe grupeve ambientaliste vendase dhe te huaja, eksperte, perfaqesues te grupeve te interesit etj. Ministria e Ekonomise, si organizatore kryesore e ketij aktiviteti ne bashkepunim me Bashkine e Vaut te Dejes, kishte per qellim marrjen e mendimit te perfaqesuesve te ndryshem, konsultimin publik te te gjithe personave te interesuar per kete veper shume te rendesishme qe do t'i shtohet vendit tone. Sipas drejtuesve te kesaj ministrie, aktualisht, procesi eshte ne nje faze ne te cilen nje rendesi te vecante fiton marrja e opinionit te publikut dhe personave drejtperdrejt te interesuar per kete projekt. Gjate zhvillimit te takimit, u theksua se qeveria e Shqiperise ka filluar procesin e strukturimit dhe zbatimit te nje projekti per ndertimin e Hidrocentralit te Ashtes dhe se ky projekt do te realizohet permes nje marreveshjeje partneriteti publik privat, ku Ministria e Ekonomise, Tregtise dhe Energjetikes eshte ngarkuar me zbatimin e ketij projekti, permes konsulences se Korporates Financiare Nderkombetare (IFC).