Hagë/ Dënohet për mospërfillje ndaj gjykatës një nacionalist serb
Nacionalisti serb Vojislav Seshejl, i akuzuar nga gjykata e Hagës për krime lufte, u dënua të premten me 15 muaj burg me akuzën për mospërfillje të gjykatës, pas zbulimit të identitetit të tre dëshmitarëve të mbrojtur. Seshejl, lideri i partisë ultranacionaliste Radikale të Serbisë, bëhet kështu i dyshuari i parë që akuzohet për mospërfillje ndaj gjykatës gjatë një procesi gjyqësor për krime lufte.
Ai u akuzua për publikimin me qëllim të identitetit të tre dëshmitarëve të mbrojtur në një libër që mban emrin e tij.
Për të mbrojtur veten, Seshejl paraqiti përpara gjykatës pesë artikuj gazetash, ku sipas tij ishin përmendur identitetet e dëshmitarëve të mbrojtur përpara publikimit të librit të tij. Por gjykata i rrëzoi pretendimet e tij duke shpjeguar se ato artikuj nuk u referoheshin dëshmitarëve në fjalë dhe nuk përmbanin asnjë material ku përmendeshin pseudonimet e dëshmitarëve. Procesi gjyqësor për krime lufte ndaj Vojislav Seshejlit u ndërpre në shkurt të këtij viti, pasi prokurorët denoncuan dhunën që ushtrohej mbi dëshmitarët. Ndërkohë që ende nuk është vendosur se kur do të rinisë procesi.
Ai u akuzua për publikimin me qëllim të identitetit të tre dëshmitarëve të mbrojtur në një libër që mban emrin e tij.
Për të mbrojtur veten, Seshejl paraqiti përpara gjykatës pesë artikuj gazetash, ku sipas tij ishin përmendur identitetet e dëshmitarëve të mbrojtur përpara publikimit të librit të tij. Por gjykata i rrëzoi pretendimet e tij duke shpjeguar se ato artikuj nuk u referoheshin dëshmitarëve në fjalë dhe nuk përmbanin asnjë material ku përmendeshin pseudonimet e dëshmitarëve. Procesi gjyqësor për krime lufte ndaj Vojislav Seshejlit u ndërpre në shkurt të këtij viti, pasi prokurorët denoncuan dhunën që ushtrohej mbi dëshmitarët. Ndërkohë që ende nuk është vendosur se kur do të rinisë procesi.