Hamburg shkarkon trajnerin Oenning

Hamburg ka shkarkuar trajnerin Michael Oenning të hënën, pas startit më të dobët të sezonit në histori të klubit.

Nëpërmjet një komunikate në ueb faqen zyrtare të klubit është bërë e ditur se trajneri i ekipit U-21, Rodolfo Cardoso, do të merr drejtimin ekipit.

Hamburg është në pozitën e fundit në Bundesligë me vetëm një pikë nga gjashtë ndeshje dhe ka pranuar 17 gola.

Humbja e së shtunës ishte e katërta me radhë. Hamburg asnjëherë nuk ka rënë nga elita e futbollit gjerman.