Hamilton kampion bote, Masa në lot
Hamilton është kampioni i ri i Botës në Formula 1. Anglezi fitoi titullin botëror dy kthesa para fundit të garës. Teksa në skuderinë Ferrari po festohej fitorja e titullit nga Felipe Masa, Hamiltoni ka arritur të parakaloje Timo Gloku dhe të sigurojë vendin e pestë që i mjaftonte për t’u shpallur kampion.
Një gabim dy xhiro para përfundimit të garës mund t’i kishte kushtuar titullin për të vitin dytë radhazi pilotit britanik. Pas rifillimit të shiut dhe pit-stopeve të detyruara, Hamilton është kaluar nga Sebastian Vetel duke shuar shpresat për fitoren e titullit. Kur dukej se gjithçka mbaroi, dhe në bokset e Ferrarit po festohej fitorja e titullit, Hamilton ka arritur të kalojë pilotin Timo Glok duke u ngjitur në vendin e pestë dhe duke marrë pikët e mjaftueshme për të fituar kampionatin.
Masa
Felipe Masa fiton garën e Brazilit, por jo titullin kampion bote: “Pavarësisht se nuk fitova titullin jam shumë krenar për atë që kemi bërë. Unë dhe skuadra ime ishim perfektë dhe më vjen shumë inat që e humbëm në këtë mënyrë, por garat kështu janë. Na ngushëllon titulli i konstruktorëve”. Braziliani i Ferrarit, në konferencën që është zhvilluar menjëherë pas Çmimit të Madh të Brazilit deklaron: “Ishte një garë perfekte, çdo gjë shkoi shumë mirë. Jam shumë krenar për mënyrën sesi garova sot. Jam shumë krenar për atë që mundëm të bënim, për njerëzit që më rrethojnë dhe për skuadrën. Këto janë emocione shumë të forta që ja vlejnë ti provosh dhe jam i lumtur me atë që arrita. Në fund të garës pashë Luis-in të parakalonte, ishte një lëmsh emocionesh, megjithatë gara përfundoi ashtu siç e dimë të gjithë. Fatkeqësisht humbëm për një pikë, por jemi krenarë për të gjithë vazhdimësinë e kampionatit. Di si të fitoj dhe e pranoj humbjen, do të kemi raste të tjera”. Deri në kthesën e fundit Masa ishte kampion. Pastaj, parakalimi i Hamilton ndaj Timo Glok e ka lejuar britanikun e McLaren Mercedez të fitojë titullin. Por ndërkohë Felipe nuk harron të nderojë edhe kampionin më të ri të botës në Formula 1: “Luis ka bërë një sezon të shkëlqyer, i bëj komplimentet e mia. Ne të paktën morëm Botërorin e konstruktorëve që është një shpërblim i madh për punën e shkëlqyer që ka bërë skuadra. Edhe pse nuk kemi ruajtur një qëndrueshmëri përsa i përket paraqitjeve tona gjatë këtij viti mund të them me bindje të plotë se kemi zhvilluar një kampionat shumë të bukur”, përfundon braziliani i Ferrarit, Felipe Masa.
Pilotët
1. L.HAMILTON 98
2. F.MASSA 97
3. K.RAIKKONEN 75
4. R.KUBICA 75
5. F.ALONSO 61
6. N.HEIDFELD 60
7. H.KOVALAINEN 53
8. S.VETTEL 35
9. J.TRULLI 31
10. T.GLOCK 25
11. M.ËEBBER 21
12. N.PIQUET Jr 19
13. N.ROSBERG 17
14. R.BARRICHELLO 11
15. K.NAKAJIMA 9
16. D.COULTHARD 8
17. S.BOURDAIS 4
18. J.BUTTON 3
Konstruktorët
1. FERRARI 172
2. McLAREN 151
3. BMË SAUBER 135
4. RENAULT 80
5. TOYOTA 56
6. TORO ROSSO 39
7. RED BULL 29
8. UILLIAMS 26
9. HONDA 14