Han nis “spiunazhin” në Shqipëri

Një "spiun" sportiv kthehet nga Malta, një "kryespiun" tjetër vjen në Shqipëri pas një jave. Fjala është për ndihmëstrajnerin, Teo De Jong dhe trajnerin e kombëtares shqiptare, Ari Han.
Zëvendëstrajneri i përfaqësueses shqiptare, De Jong, u rikthye nga Malta ku ndoqi në aksion ndeshjen miqësore Maltë-Bjellorusi (0-1). I ngarkuar nga trajneri Ari Han me detyrën e vëzhgimit të kësaj ndeshje, De Jong mblodhi informacionë të vlefshme lidhur me kundërshtarin e kombëtares shqiptare në ndeshjet në grup të vlefshme për eleminatoret e Kampionatit Botëror 2010. De Jong do të vëzhgojë në Tiranë ndeshjet e fundjavës së kampionatit kombëtar, ku spikasin Dinamo-Elbasani dhe Partizani-Besa dhe në datën 11 shkurt do të largohet nga Shqipëria. Në datë 16 shkurt mbërrin në Tiranë trajneri Han, i cili më pas do të nisë turin e tij në Europë për të parë nga afër lojtarët shqiptarë që aktivizohen në kampionatet e huaja.