Hapet sot sheshi "Skënderbej"

Sot merr fund gangrena e trafikut në sheshin “Skëndërbej”. Përfundimisht sheshi do tu rikthehet qytetarëve dhe automjeteve duke siguruar një frymëmarrje të re për qarkullimin.
 

Skema se si do të realizohet lëvizja dhe vazhdimësia e punimeve vijon si më poshtë:

1. Qarkullimi i mjeteve në dhe përreth sheshit"Skënderbej"Rregullimi i qarkullimit të mjeteve në dhe përreth sheshit"Skënderbej", do të kryhet si më poshtë:
 

- Kryqëzimi te "Blv Zog I" me rrugën "Ded Gjo Luli", hyrja në shesh me 1 korsi dhe dalje nga sheshi me 2 korsi dhe do të menaxhohet me semaforë.
 

- Kryqëzimi te rruga e "Durrësit" me rrugën "Ded Gjo Luli", hyrja në shesh me 1 korsi dhe dalje nga sheshi me 2 korsi vetëm drejt dhe do të menaxhohet me semaforë.
 

- Kryqëzimi te rruga e "Kavajës" me rrugën "Ded Gjo Luli", hyrja ne shesh me 1 korsi dhe dalje nga sheshi me 2 korsi vetëm drejt dhe do të menaxhohet me semaforë.
 

- Kryqëzimi te rruga e "Luigj Gurakuqi" me rrugën "George.W.Bush", hyrja në shesh me 1 korsi dhe dalje nga sheshi me 2 korsi vetëm drejt dhe do të menaxhohet me semaforë.
 

- Kryqëzimi te rruga e "Dibrës" me rrugën "Bardhok Biba", hyrja në shesh do të behet nga rruga Urani Pani me 2 korsi deri në Bulevardi “Zogu i I” dhe do të menaxhohet me semaforë.
 

- Në të gjitha rrugët, brenda Unazës së Vogël, do të jetë ndalim qëndrimi 24 orë në të dy krahët e tyre.
 

Sipas bashkisë së Tiranës do të ndalohet qarkullimi i mjeteve përveç veturave dhe autobuzëve urban qytetës, në brendësi të unazës së vogël të qytetit, me kufizim 24 orë, me përjashtim të mjeteve të shërbimit të urgjencave, zjarrfikësit.