Haradinaj: Padi Presidentit per shkelje te Kushtetutes

Kreu i kesaj partise, Aleanca per Ardhmerine e Kosoves, Ramush Haradinaj, deklaroi dje se do te padise kreun e shtetit, Fatmir Sejdiu, per shkelje te Kushtetutes. "Do te iniciojme padi ndaj Fatmir Sejdiut, per shkelje kushtetuese ne Gjykaten Kushtetuese te vendit, sapo te formohet ajo, por inicimin do ta bejme menjehere", tha Haradinaj. Partia e tij do te beje ankese ne Keshillin Drejtues per Kosoven, pra vendet qe perbejne ICO-ne, sipas kreut te AAK-se, per miratimin qe ka dhene ne menyre te gabuar Piter Feith, per qendrimin e Presidentit te Kosoves dhe njekohesisht ne Parlament, do te iniciojne kerkese qe kjo teme te diskutohet. Haradinaj shpreson se vendimi i Presidentit do te kthehet mbrapsht. Por, vendimi i Sejdiut eshte mbeshtetur nga Zyra Civile Nderkombetare, zyre kjo per te cilen gjate debatit per zgjedhjet, disa nga partite opozitare kishin shpresuar, se do te mbeshteste mbajtjen e zgjedhjeve kete vit. Lidhja Demokratike e Dardanise, sipas nenkryetarit te saj Berim Ramosaj, nuk mbeshtet vendimin e Presidentit dhe ruan qendrimin se zgjedhjet duhet mbajtur kete vit. "Nje vendim i tille ad hoc dhe pa konsulta me partite politike, qofte me ato ne Parlament, qofte ato jashte Parlamentit, nuk ishte dashur te merrej", vleresoi Ramosaj.