Harasani: Ne Kongres, nje rezolute per bashkimin e PS

Anetari i Kryesise se Partise Socialiste, Andis Harasani, deklaroi se bashke me nje grup anetaresh te forumeve te larta socialiste, do te paraqesin ne Kongres nje rezolute, e cila te theksoje faktin se, PS ka me shume nevoje ne keto momente per nje bashkim te vertete. Njeheresh ai eshte shprehur se ka qene dhe eshte pro, ndryshimeve ne statut. "Une kam firmosur per ndryshimet ne statut, pasi besoj se PS ka nevoje te ristrukturohet dhe te kete nje dimension te ri, nje dimension qe do ta coje tek fitorja. Ndaj dhe po mendoj qe se bashku me disa te tjere, te paraqesim nje rezolute ne Kongres, e cila te kete theksin tek ajo qe, PS ka me shume nevoje ne keto momente, tek nje bashkim i vertete, bashkim vlerash e idesh", ka qene deklarata e djeshme e Harasanit per gazeten "Koha Jone". Per te, kerkesa per ndryshime ne statut nuk eshte as e parakohshme, por dhe as nje shprehje kundershtie ndaj askujt, por nje nevoje per te sjelle te majten ne pushtet. "Ndryshimet ne statut per asnje moment nuk duhen pare si kundershtime ndaj askujt dhe as dalje kunder ndokujt, por thjesht si nevoje qe PS te vije ne pushtet. Nje carje e re e PS, do ishte shkaterrimtare per te majten ne Shqiperi", eshte shprehur dje Harasani. Duke kembengulur dhe njehere se ne Kongres, me teper se per t'u ndare do te shkohet per te siguruar bashkimin e te gjithe faktoreve. Ne te njejten kohe, nuk ka lene jashte vemendjes as kandidaturat e bera publike deri me tani per postin e kryetarit te PS, pas nderprerjes se mandatit te kryetarit aktual, Edi Rama. Harasani vlereson se te tre kandidaturat kryesore vene interesin e socialisteve ne radhe te pare. Njeheresh ai ka nenvizuar faktin se Blushi, pavaresisht se eshte kerkuar nga PS e Korces per te kandiduar, ka thene se fjalen e tij do ta thote ne Kongres. "Nga lajmet kam ndjekur qe ka qene Asambleja e Korces qe ka kerkuar kandidimin e Blushit, per postin vakant te kryetarit te partise. Por Blushi perseri ka thene qe do te shprehet ne Kongres. Mendoj se kjo eshte me e drejte. Sigurisht qe eshte shenje ambicieje dhe eshte gjeja me normale, qe ne politike te kete ambicie. Por nga ana tjeter me vjen mire qe te pakten tre kandidaturat kryesore, vene ne radhe te pare interesin e PS dhe kjo eshte ajo qe te gjithe votuesit presin nga ne", eshte shprehur Harasani.

Harasani: "Koci figure e se majtes, per aleatet me vone"

Harasani nuk ka lene jashte fokusit te tij te interesit dhe aleatet e majte, por dhe zhvillimet ne PSV '91 si dhe qendrimet e Petro Kocit. "Koci eshte nje nga figurat e te majtes, por personalisht mendoj dhe komentoj mbi ato qe thone koleget brenda partise sime. Z. Koci eshte ne nje parti tjeter dhe i uroj mbaresi ne rrugen e tij, ashtu sic e lavderoj gjestin e doreheqjes nga kreu i PSV '91, pas zgjedhjeve te qershorit",-tha Harasani. Njeheresh ne lidhje me qendrimin ndaj aleateve, ai theksoi se "ne kete moment duhet te zgjidhim punet e shtepise tone, ta modernizojme dhe te hapim hapesira per vete, per te gjithe prurjet e reja dhe ata qe kane kohe ne parti dhe vetem pastaj do jemi te gatshem te ftojme aleatet. Pasi ne keto momente, aleatet do te ndihen te perdorur, sic u ndjene disa nga aleatet tane tradicionale ne qershor 2009, ose te favorizuar pa asnje arsye sic menduan shumica e socialisteve per aleatet e tjere".