Haxhinasto pret nje delegacion nga Kosova i kryesuar nga Albin Kurti
Zv/kryeministri dhe ministri i Punëve të Jashtme, Edmond Haxhinasto, u takua sot me një delegacion të Komisionit të Jashtëm të Kuvendit të Kosovës, i kryesuar nga kryetari i tij, Albin Kurti.
Në takim u diskutua për intensifikimin e bashkëpunimit mes dy vendeve dhe Haxhinasto theksoi rëndësinë e proceseve integruese Shqipëri-Kosovë, duke nënvizuar aspektin ekonomik si pjesë e integrimit rajonal, gjë që është thelbësore për integrimin në BE.
“Kjo, - theksoi ai, - do të jetë edhe rruga e vetme që do të bashkojë shqiptarët të gjithë së bashku në BE”.
Intensifikimi i mëtejshëm i bashkëpunimit dhe koordinimit mes dy vendeve tona për shtimin e njohjeve ndërkombëtare të Kosovës dhe pjesëmarrjes së saj në forumet rajonale zuri gjithashtu një vend të rëndësishëm në takim.
Haxhinasto informoi deputetët e Kosovës për lobimin e zhvilluar nga delegacioni shqiptar, në takimet e zhvilluara gjatë punimeve të Asamblesë së Përgjithshme të Kombeve të Bashkuara në Nju-Jork, për shtimin e njohjeve të pavarësisë së Kosovës.
Në këto takime është theksuar ligjshmëria e procesit ndërkombëtar nëpër të cilën ka kaluar shpallja e pavarësisë së Kosovës, duke nënvizuar se ajo është shndërruar tashmë në faktor paqeje e stabiliteti në rajon.
Gjithashtu është parashtruar argumenti se pavarësia e Kosovës nuk ishte një veprim i njëanshëm i saj, por u realizua në koordinim dhe drejtim të plotë nga komuniteti ndërkombëtar.
Në takim u vlerësua se integrimi ekonomik në kuadër të integrimit rajonal, përbën një potencial të fuqishëm jo vetëm për tërheqjen e investimeve në të dy vendet tona dhe për të gjithë rajonin, sepse Shqipëria është porta hyrëse drejt vendeve të tjera të Ballkanit.
Në takim u diskutua për intensifikimin e bashkëpunimit mes dy vendeve dhe Haxhinasto theksoi rëndësinë e proceseve integruese Shqipëri-Kosovë, duke nënvizuar aspektin ekonomik si pjesë e integrimit rajonal, gjë që është thelbësore për integrimin në BE.
“Kjo, - theksoi ai, - do të jetë edhe rruga e vetme që do të bashkojë shqiptarët të gjithë së bashku në BE”.
Intensifikimi i mëtejshëm i bashkëpunimit dhe koordinimit mes dy vendeve tona për shtimin e njohjeve ndërkombëtare të Kosovës dhe pjesëmarrjes së saj në forumet rajonale zuri gjithashtu një vend të rëndësishëm në takim.
Haxhinasto informoi deputetët e Kosovës për lobimin e zhvilluar nga delegacioni shqiptar, në takimet e zhvilluara gjatë punimeve të Asamblesë së Përgjithshme të Kombeve të Bashkuara në Nju-Jork, për shtimin e njohjeve të pavarësisë së Kosovës.
Në këto takime është theksuar ligjshmëria e procesit ndërkombëtar nëpër të cilën ka kaluar shpallja e pavarësisë së Kosovës, duke nënvizuar se ajo është shndërruar tashmë në faktor paqeje e stabiliteti në rajon.
Gjithashtu është parashtruar argumenti se pavarësia e Kosovës nuk ishte një veprim i njëanshëm i saj, por u realizua në koordinim dhe drejtim të plotë nga komuniteti ndërkombëtar.
Në takim u vlerësua se integrimi ekonomik në kuadër të integrimit rajonal, përbën një potencial të fuqishëm jo vetëm për tërheqjen e investimeve në të dy vendet tona dhe për të gjithë rajonin, sepse Shqipëria është porta hyrëse drejt vendeve të tjera të Ballkanit.