Heqja e embargos varet nga Serbia

Embargoja ndaj mallrave serbe nuk shfuqizohet shpejt. Mimoza Kusari thotë se vendimi për reciprocitet nuk hiqet pa u siguruar qarkullimi i lirë i mallrave. Ajo tha për Express se embargoja mund të rikthehet nëse Serbia ndryshon qëndrimin. Safet Gërxhaliu thotë se pa funksionimin e pikave doganore në Veri, marrëveshja për vulat nuk ka efekt. Nga Valmir Klaiqi më 05 shtator 2011 në ora 08:14

Zëvendëskryeministrja Mimoza Kusari-Lila ka deklaruar të dielën se marrëveshja e arritur në Bruksel për njohjen e vulave doganore të Kosovës nga ana e Serbisë nuk nënkupton heqjen e menjëhershme të masave të reciprocitetit që Qeveria e Kosovës i ka vendosur për mallrat serbe më 20 korrik të këtij viti.

“Vendimi për reciprocitetin ndryshohet në momentin kur vlerësohet plotësimi i të gjitha kushteve. Natyrisht në parim është arritur marrëveshja për pranimin e vulave në formatin siç kanë qenë para tri viteve, që atëherë ishin refuzuar nga Serbia. Pra në formatin e vulave nuk ka ndryshuar asgjë dhe ata i kanë pranuar ashtu”, ka thënë ajo për Express.

Ministrja e Tregtisë dhe Industrisë që ka nënshkruar vendimin për reciprocitet thotë se tani do të shihen të gjitha elementet e implementimit të asaj marrëveshjeje, dokumentacioni për mallrat që e lëshojnë Kosovën dhe procedura të tjera teknike për të cilat duhet punuar institucionet ditëve në vijim.

“Kur të sigurohemi që çdo gjë është në rregull në raport me qarkullimin e lirë, atëherë shfuqizohet vendimi për ndalimin e mallrave”, ka theksuar Kusari-Lila.

Ajo bëri të ditur se pas shfuqizimit të vendimit për reciprocitet, Qeveria e Kosovës do të monitorojë implementimin e marrëveshjes dhe në rast se haset ndonjë pengese, atëherë menjëherë do të reagohet me vendime përkatëse.

Shkrimin e plotë mund ta lexoni në Express...