Hetuesit bastisin zyrën dhe shtëpinë e Sarkozisë

Shtëpia private në Paris dhe zyra e ish- presidentit francez është kontrolluar nga hetuesit. Lajmin e bën të ditur agjencia AFP, duke iu referuar avokatit të Sarkozy dhe burimeve nga organet e drejtësisë. Mesa duket bëhet fjalë për çështjen Bettencourt. Sarkozy ka humbur bashkë me presidencën edhe imunitetin.

Mendohet se Sarkozy ka marrë para në mënyrë joligjore për fushatën e vitit 2007. Miliarderja Liliane Bettencourt mendohet se ka dhënë qindra mijëra euro për këtë fushatë. Në Francë personat mund të dhurojnë deri në 7500 euro në vit për partitë.