Hillary Clinton bën thirrje kundër diskriminimit të homoseksualëve

Sekretarja amerikane e shtetit, Hillary Clinton, i ka bërë thirrje qeverive në mbarë botën që të ndalojnë persekutimin e homoseksualëve, duke thënë se Shtetet e Bashkuara po rrisin përpjekjet e tyre kundër diskriminimit të homoseksualëve.

Në një fjalim në zyrat e Kombeve të Bashkuara në Gjenevë, për të shënuar Ditën Ndërkombëtare të të Drejtave të Njeriut, diplomatja amerikane kërkoi të hidhet poshtë miti se homoseksualiteti është një fenomen perëndimor, duke deklaruar se "njerëzit homoseksual kanë lindur të tillë dhe i përkasin çdo shoqërie të botës".

" Kjo është një shkelje e të drejtave të njeriut, kur njerëzit rrihen apo vriten për shkak të orientimit të tyre seksual, ose sepse ata nuk janë në përputhje me normat kulturore për mënyrën se si burrat dhe gratë duhet të shikojnë ose sillen. Kjo është një shkelje e të drejtave të njeriut, kur qeveritë deklarojë se është e paligjshme për të qenë homoseksual ose lejojnë ata që u bëjnë dëme homoseksualëve të mbesin pa u ndëshkuar. Kjo është një shkelje e të drejtave të njeriut”, ka thënë Clinton.