Hiri vullkanik, Spanja mbyll tre aeroporte

Autoritetet e aviacionit spanjoll thanë se kanë mbyllur tre aeroporte në Spanjën jugore për shkaku të përhapjes së hirit vullkanik nga vullkani në Islandë.

Mbyllja u bë sot kur disa aeroplanë transatlantikë ndërruan drejtimin për të shmangur rrugën e hirit vullkanik.

Shmangia ka zgjatur fluturimet për dy orë tjera, dhe i ka detyruar aeroplanët të pajisen me më shumë karburant.

Vullkani në Islandë nuk tregon shenja qetësimi që kur filloi të lëshojë hi në 13 prill.