Historia e Loranit dhe Ledionit të cilët u blenë nga Apple

Entela Resuli

Loran dhe Ledion Dyrmishi kanë lindur në qytetin e Beratit ku kanë përfunduar edhe shkollën e mesme, ndërsa tani studiojnë në Bolonja të Italisë për Informatikë. Sapo kanë programuar një aplikacion për përpunimin e fotografive, që mund të përdoret në telefonat iPhone dhe në iPad. Lorani është në vitin e fundit të masterit, ndërsa Ledioni në vitin e tretë të shkollës së lartë, duke pritur një Bachelor. Ishte ideja e këtij të fundit, nisur nga një detyrë kursi, ajo që shkoi shumë më tej… Aq sa u vlerësua dhe nga kompania prestigjoze Apple e cila në fund të qershorit të vitit të kaluar lidhi një kontratë me djemtë shqiptarë dhe puna e tyre sot gjendet në App stor (apo dyqanin virtual online për programet e produkteve Apple). Kemi biseduar me dy vëllezërit të cilët gjenden përkohësisht në Tiranë. Në këtë rrëfim na kanë shpjeguar më shumë për shpikjen e tyre, zhvillimin që ka marrë dhe cila do të jetë çudia e radhës më të cilën do të befasojnë mjeshtërit e teknologjisë.

Çfarë programi është ky që keni realizuar?

Ledioni: Eshtë një program për “iPhone” dhe “iPad”. Quhet PhotoNova, një aplikacion për përpunimin e fotografive. Hap foto të ndryshme dhe i punon në çast nga telefoni, pa patur nevojë të hysh në kompjuter. Garanton funksionin e parë, që e ka dhe “Photoshop”-i që quhet: “Marquee”. Ka tre lloj mjetesh seleksionimi: Lasso (seleksionimi manual), seleksionimi katror dhe ai rrethor. Për të filluar punën seleksionon pjesën që dëshiron të modifikosh dhe i jep efekte të ndryshme fotos, ka 70 efekte si dhe slider-at për ndryshimin e intensitetit të ngjyrës. Funksioni i dytë është mundësia e dhënies së efekteve në të gjithë foton. Këtu mund të krijosh edhe efektet të tjera të personalizuara. Funksioni i tretë, Fix, është për të hequr çdo papastërti (psh. puccrat, sende të vogla të padëshiruara) nga fotot. Më pas vjen funksioni Paint, që siç dihet shërben për të vizatuar çfarë ti dëshiron. Ke mundësi t’i japësh çdo ngjyrë penelit të vizatimit si dhe t’i ndryshosh përmasat tij. Foton e modifikuar, përveç se mund ta ruash foton në telefon, mund ta shpërndash përmes Facebook-ut, Email-it, Twiteer-it ose Flickr-it direkt nga programi. Programi punon me foto të çdo lloj rezolucioni.
Ky është një fotoshop i vendosur në telefon me disa të dhëna që fotoshopi i bën por në kompjutera të fuqishëm. Programet e tjera për iPhone nuk kanë disa nga funksionet që ka PhotoNova, si psh funksioni marquee, te cilin jemi ne te parët që e kemi realizuar.

Si e realizuat?

Ledioni: Unë studioj në Bolonja për informatikë, jam në vitin e tretë. Vitin e kaluar kisha një detyrë kursi kur duhet të realizoja një program të vogël për iPhone. Ashtu bëra, realizova një program të vogël, që ishte diçka e thjeshtë, dhe ia prezantova profesorit. Ai më tha që është shumë i mirë si program dhe mund ta zhvilloni pasi mund të ketë suksese në telefonin iPhone.
Kur e nisët këtë projekt?

Ledion: Ka filluar nga maji i vitit të kaluar. Projekti i shkollës zgjati gati një muaj. Më pas nga fundi i qershorit bëmë kontratën me Apple edhe që prej andej iu dedikuam kësaj pune, duke realizuar programin e parë që quhet EasyPixel, i cili doli në treg në muajin tetor. Më pas filluam të realizonim PhotoNova-n, ku versioni i tij i parë doli në treg në muajin dhjetor ndërsa versioni i dytë doli në treg në muajin shkurt të 2012-ës.

Si u lidhët me Apple?

Ledion: Ekziston një faqe e tyre ku mund të komunikosh. Ka disa kontrata që duhet të firmosësh me ta, të gjitha janë elektronike, kemi komunikuar me emaile. Ne i treguam atyre që kemi një program dhe duam ta nxjerrim në shitje. Bëmë kontratën dhe që prej atëherë vazhdojmë si programatorë.

Do të thotë se ju jeni bashkëpunues të rregullt tani me Apple, apo jo?

Loran: Me fjalë të tjera po. Ne i dërgojmë programin dhe merren ata me shpërndarjen në internet, celular etj. Funksionon kështu: Unë bëj programin dhe e dërgoj në qendrën e tyre. Ata i bëjnë një revision, për të parë nqs programi përmbush standartet e Apple-it. Më pas ata që merren me menaxhimin e programit, me nxjerrjen ne treg të tij. Ndërsa me reklamimin dhe me njohjen e programit nga përdoruesit duhet te merrem unë.

Si u prit ky program?

Loran: PhotoNova u mirëprit shumë mirë nga publiku sepse është një program intuitiv që mund të përdoret nga çdokush si dhe ka shumë funksione. Mund ta përdorë si ai që ka pak eksperiencë në fushën e fotografisë, ashtu edhe një profesionist. Gjithashtu ky program është pritur shumë mirë nga kritika ndërkombëtare. Ata kanë thënë se ky program është në nivelin që çdo përdorues i iPhone-it duhet ta ketë të instaluar në telefonin e tij.

Pse është i veçantë?

Loran: Sepse është bërë që përdoruesi ta ketë sa më të lehtë përdorimin. Në radhë të dytë, është i nevojshëm sepse ata që merren me fotografinë dhe që u pëlqen fotografia me këtë instrument mund të modifikojnë shumë pjesë të një imazhi. Ke pastaj një instrument shtesë që e ke në telefon dhe që kushton shumë herë më pak se programet e tjerë. Është profesional por edhe zbavitës. Ka 70 efekte, tre katër lloj seleksionimesh, ka dhe pastrimin e fotove që mund t’i kryesh në çdo telefon iPhone ose iPad. Apple ka tregje të ndryshme, ka atë italian, amerikan dhe në Shqipëri më duket se nuk është futur ende në sistemin bankar në internet për Shqipërinë. Por mund të regjistrohesh në faqen e tyre, fut koordinatat e tua bankare, të dhënat dhe pasi regjistrohesh shkon te tregu virtual App Store gjen një program që të intereson dhe e shkarkon, kështu duke klikuar “PhotoNova” shkarkohet edhe programi ynë.

Keni bërë ndonjë shpikje tjetër?

Loran: Kemi bërë, por jemi në fazë punimesh e cila është më e bukur akoma. Që do akoma punë. Është një projekt, një lojë që personazhi kontrollohet me lëvizjen trupit. Nëse deri më tani është lëvizur me butona, me komanda, ne po punojmë që lojtari të lëvizë me lëvizjet e trupit. Kur lëviz krahun, lëviz dhe personazhin. Kur lëviz trupi mbrapa, lëviz dhe personazhi mbrapa. Personazhi je ti, në kohë reale! Në radhë të parë do ndihmë, se ne të dy nuk ia dalim dot, ne kemi idenë dhe dimë si ta realizojmë. Por duhen njerëz të tjerë të na ndihmojmë.

Pse keni zgjedhur të dy informatikën?

Loran: Unë e kisha pasion që i vogël.

Ledioni: Ndërsa unë këtë dija të bëja më mirë nga të gjitha gjërat e tjera. Kam fituar vendin e tretë në olimpiadën kombëtare për informatikë në Shqipëri, në 2008, dhe pas kësaj bëra dokumentat dhe jam duke ndjekur studimet në Bolonja. Kam pasur rezultate të mira dhe jam ndjerë mirë. Mendoj se kam bërë zgjedhjen e duhur. Nga pasioni arritëm deri këtu. Shpresojmë të arrijmë ato rezultate që programi meriton.

Jeni nga ata djem që rrini gjithë kohën para kompjuterit?
Loran: Në periudhën e punës po, në fillimet e programit gati 3 apo 4 muaj me orë të zgjatura. Kohën tjetër tentojmë t’i “qëndrojmë sa më larg” kompjuterit. Për fat të mirë nuk jemi shumë të apasionuar pas videogame-eve. Na pëlqejnë vetëm ti krijojmë.

Jeni nxënës të mirë?