Hitzfeld thërret katër shqiptarë

Selektori i Zvicrës, Ottmar Hitzfeld të premten e ka publikuar listën futbollistëve të ftuar për ndeshjen kundër Bullgarisë, e cila do të zhvillohet më 6 shtator në kuadër të eliminatoreve për Euro 2012.

Në mesin e të ftuarve për këtë takim janë edhe katër futbollistë shqiptarë: Xherdan Shaqiri, Admir Mehmedi, Blerim Xhemaili dhe Granit Xhaka.

Mirëpo, seleksionuesi i ekipit zviceran për këtë ndeshje nuk e ka ftuar fare Valon Behramin.

Për duelin ndaj bullgarëve, ftesë nuk ka marrë as Beg Ferati, i cili me Zvicrën debutoi para pak javësh në miqësore ndaj Litenshtajnit.