Hofenheim merr Babelin nga Liverpuli

Liverpuli ka pohuar se sulmuesi holandez Rajan Babel ka arritur marrëveshje me Hofenheim për t’u transferuar te klubi gjerman. E ardhmja e Babel ishte e pasigurt pasi holandezi nuk luante shumë. Në fillim u mendua se ai do të kalonte te Ajaksi, si pjesë e transferimit të Suarezit në Angli. Por meqë ky variant nuk u realizua, Liverpuli ka pranuar ofertën e Hofenheimit, ndërsa pas arritjes së marrëveshjes për kushtet personale me lojtarin, klubi gjerman tashmë ka siguruar nënshkrimin e tij. Babel ka firmosur për një kontratë prej dy sezonesh e gjysmë.