Homoseksualet: Duam me shume te drejta

Minoritetet seksuale ne Shqiperi kerkojne me shume te drejta. Gjate konferences se djeshme ku moren pjese drejtues te institucioneve mjaft te rendesishme te vendit, si dhe perfaqesite diplomatike ne Tirane. Me konkretisht, te ftuar ne kete tryeze kane qene Ministria e Integrimit Majlinda Bregu, Avokati i Popullit dhe ambasadore te huaj ne Tirane. Ne fjalen e tij ambasadori holandez deklaroi se ne Shqiperi homoseksualet nuk trajtohen si te gjithe, por diskriminohen prandaj Shqiperia duhet te ndermarre hapa per mbrojtjen e homoseksualeve. Ndersa perfaqesuesi i Avokatit te Popullit, Riza Poda u shpreh se homoseksualet identifikohen si punonjes seksi dhe se te drejtat e tyre duhet te shihen mbi baza humane. Sipas Podes per keta persona duhet te hapet nje dere, qe homoseksualet te integrohen natyrshem ne shoqeri. Nga ana tjeter, perfaqesuesja e shoqerise civile, Elsa Ballauri theksoi se homoseksualet jane njerez si gjithe te tjeret dhe nuk duhet te diskriminohen . "Per cdo vjedhje, apo ngjarje tjeter te papelqyeshme qe mund te ndodhe, gishti u vihet homoseksualeve, edhe pse ata nuk e kane kryer nje gje te tille", tha Ballauri.