Operatoret private: Cmimet e urbaneve duhen rritur

Cmimet e biletave ne transportin urban jane ende te uleta dhe nuk sigurojne fitimet e duhura qe te mundesojne permiresimet e kushteve te autobuseve. Keshtu u shprehen dje perfaqesues te operatoreve private ne transportin urban, duke premtuar se nese te pakten qeveria pranon te miratoje subvencionimin per kategorite qe udhetojne falas, kushtet do te ndryshojne per mire. Ne kete menyre, shtyrjet neper autobuse, vonesat e shumta neper stacione apo edhe problemet e tjera qe na kane shoqeruar cdo dite ne linjat e transportit urban, do t'i perkasin se kaluares. Ne fakt, edhe me cmimet aktuale dhe mos subvencionimin e kategorive qe udhetojne falas, Shoqata Kombetare e Transportit Qytetas (SHKTQ), eshte perpjekur qe te ndryshoje gjendjen, duke hequr nga qarkullimi autobuset e vegjel, apo ata qe e kane kaluar afatin e perdorimit. Por, ne keto kushte, te flasesh per lukse te tilla si kondicionere, eshte ende e pamundur. Deri tani, SHKTQ shprehet se ka punuar per shlyerjen e borxheve qe i kishin firmave te karburanteve, per shkak se kemi pasur humbje te medha. "Tani po perpiqemi qe te bejme dicka per te permiresuar sherbimin tone", jane shprehur perfaqesues te operatoreve private. Nje element tjeter qe pritet te "riparohet", sa i perket sherbimit te transportit urban, eshte edhe shpejtesia me te cilen udhetojne autobuset. Sikurse mesohet, ka pasur disa ankesa ne lidhje me faktin qe autobuset urbane ecin me shpejtesi te ulet. Por, sipas burimeve nga SHKTQ, nje gje e tille ka ndodhur me qellim per t'u ruajtur frekuenca e distances se autobuseve nga njeri tjetri. Megjithate, sipas tij, do te behet dicka qe nje frekuence e tille te ruhet, por ama me nje shpejtesi me te madhe te autobuseve. Gjate muajve te veres pati nje reduktim te numrit te autobuseve pikerisht per t'u ruajtur kjo frekuence, ndersa reduktimin e numrit te autobuseve, Shoqata Kombetare e Transportit Qytetes e beri ne mars te ketij viti me qellimin e vetem se kishte shume humbje.