Hoxhaj: Qëllimi i Beogradit është zvarritja e procesit

Ministri i Jashtëm i Kosovës, Enver Hoxhaj, ka akuzuar Serbinë për përdorim të taktikës zvarritëse për t`i shtyrë marrëveshjet e mundshme në bisedimet Prishtinë – Beograd.

“Aq sa mund të shohim, qasja e Beogradit është zvarritja, humbja e kohës dhe mos`arritja e zgjidhjeve efektive”, i tha Hoxhaj së përditshmes beogradase, Danas.

Në këtë aspekt, ai këtë e krahasoi me pritjen e gjatë për arrestimin e të akuzuarit nga Tribunali i Hagës, Ratko Mlladiq.