Hugo Chavez: Në rast krize do të shtetëzoj bankat private

Presidenti i shtetit venezuelian, Hugo Chavez ka paralajmëruar se nëse do të jetë i detyruar prej krizës financiare do të nisë shtetëzimin e bankave private venezueliane. "Nëse do të detyrohem që të vendos nën kontroll bankat tona padyshim që do ta bëj, askush nuk duhet dyshojë në diçka të tillë", u shpreh Çavez.
Më tej Chavez duke komentuar falimentimin e katër agjencive të vogla të kreditimit tha se kjo është një fushatë në internet e nisur prej njerëzve që kërkojnë rrëzimin e Chavez me synim humbjen e besimit të qytetareve venezuelianë drejt bankave.
"Askush s'duhet të shqetësohet, ai që do rrëzohet nuk është Chavez, por sistemi bankar privat", përfundoi deklaratën e tij, presidenti venezuelian.