I ftohti, dyfishohen rastet me grip

Sonila Isaku
Ulja e menjehershme e temperaturave ka sjelle edhe nje rritje te numrit te personave te cilet jane prekur nga viroza gripale apo edhe ftohjet. Sipas mjekeve, duket se i ftohti ka reflektuar menjehere te personat, te cilet kane nje imunitet te dobet si dhe te femijet, te cilet jane edhe me te rrezikuarit. Megjithese nje rritje e vogel e numrit te personave te prekur nga viroza gripale apo nga ftohjet, perseri mjeket nuk harrojne te japin keshillat me te domosdoshme. Sipas tyre, me te kujdesshem duhet te jene ata persona qe vuajne nga nje semundje kronike, kryesisht te moshes se trete. Po keshtu, nje kujdes te vecante duhet te tregojne nenat per femijet e vegjel, pasi keto temperatura te uleta dhe viroza gripale mund te coje deri ne ftohje te renda. “Gjate ketyre dy diteve, kur temperaturat kane shenuar disa grade nen zero, eshte vene re nje rritje e numrit te pacienteve, por kjo nuk ka qene shqetesuese. Keshtu, nga 25 raste qe jane zakonisht ne urgjencen e Tiranes, keto dite jemi perballur me 40-45 paciente, ku pjesa shtese ka qene me raste te gripit, apo edhe ftohje”, deklaroi dje shefi i urgjences se Tiranes, Murat Bala. Sipas tij, rritja e numrit te te prekurve pritet ne ditet ne vijim kur mund te shfaqen edhe problemet qe do te lere i ftohti tek ata qe nuk kane marre masat e duhura.
Duke pare keto kushte klimaterike, mjeket nuk harroje te japin edhe keshillat. Ata sugjerojne qe te moshuarit, e sidomos personat qe vuajne nga probleme kardiovaskulare dhe ato pulmonare, te qendrojne ne shtepi te pakten ne oret e ftohta te mengjesit dhe te darkes, ku temperaturat regjistrojne nivelet e tyre me te uleta. Po keshtu, e njejtat keshilla vijne edhe per prinderit e rinj me femije te sapolindur, apo ne periudhen e qumeshtit, qe te mos i nxjerrin jashte per shetitje gjate oreve kur i ftohti eshte tejet agresiv. Nderkohe, ne keshillat me te rendesishme eshte ajo e marrjes se sa me shume lengjeve, te cilat permbajne vitamine C, si dhe ushqyerjes se femijeve me po keto lloj frutash.
Mjeket:
Ditet ne vijim, rritje te rasteve
Duke qene se temperaturat e uleta vazhdojne qe te mbizoterojne edhe per nje kohe te gjate ne vendin tone, mjeket presin nje rritje te rasteve te pacienteve, te cilet do te shfaqin probleme me shendetin. Sipas bluzave te bardha me te prekur do te jene ata persona, te cilet nuk i kane evituar daljet edhe gjate ketyre diteve kur termometri ka shenuar disa grade nen zero. “Nje fluks me i madh i pacienteve pritet te jete ne ditet ne vijim, kur i ftohti te shfaqe edhe ato shenjat e para te pacientet. Gjate ketyre diteve ka pasur raste pacienteve te ftohur, por edhe atyre qe kane kaluar nje gjendje gripale”, ka theksuar mjeku Bala. Nderkohe qe, ne ditet ne vijim, mendohet se do te kete nje dyfishim te rasteve, sidomos te te semureve nga ftohjet apo probleme te rrugeve respiratore. Keto, sipas mjekeve, manifestohen me temperatura te larta, te vjella dhe gjendje debulese.
Virozat, si te mbroheni
Evitimi i daljes gjate oreve te pikut, per te moshuarit dhe femijet eshte keshilla kryesore e mjekeve. Por edhe nje veshje e pershtatshme dhe e ngrohte, per te evituar te ftohtin per ata persona, te cilet i kane te nevojshme daljet ne ambientet e jashtme. Por, ata qe duhet te evitojne me teper daljet ne keto ore te ftohta duhet te jene personat me semundje kronike, kryesisht ato kardiake. Sipas mjekeve, keta persona nese dalin ne te ftohte mund te kalojne para-infarkt deri ne infarkt, si dhe rrahje te shpeshta te zemres. Por, edhe nenat duhet te tregohen te kujdesshme per femijet e tyre, sidomos kur ata jane te vegjel dhe vazhdojne te ushqehen me gji. Nje tjeter keshille eshte perdorimi i paracetamolit ne rastet e ndonje temperature te lehte dhe keshillimi me mjekun specialist, nese gjendja e pacientit perkeqesohet.