Petrolifera, aleancistet ne proteste

Protestat, per ndalimin e ndertimit te veprave me baze nafte ne qytetin e Vlores, do te rinisin perseri nga aleancistet. Ne nje konference per shtyp, perfaqesues se aleances per mbrojtjen e gjirit te Vlores jane shprehur dje se do te vazhdojne te kerkojne referendumin per hapjen ose jo te impiantit te depozitave te naftes ne bregdetin e jugut. Sipas krereve te Aleances per Mbrojtjen e Gjirit te Vlores, deri me tani nuk eshte marre asnje mase per te ndaluar apo per te gjetur nje rruge te mesme, qe bregdeti i qytetit dhe vete qyteti te mos ndotet. “Pas zhvillimeve te fundit dhe takimeve qe kemi pasur per kete ceshtje, ne kemi vendosur qe t’u rikthehemi edhe nje here protestave tona qytetare dhe demokratike. Edhe kete here, protestat do te kerkojne plotesimin e kerkeses sone per kryerjen e nje referendumi, per hapjen ose jo te ketyre depozitave te naftes”, jane shprehur aleancistet. Sipas tyre, duhet te jete pushteti vendor i qytetit, i cili duhet te marre masat per nderprerjen e punimeve per vendosjen e depozitave te medha te naftes. Nga ana tjeter, ata kane kerkuar edhe miratimin e te drejtes kushtetuese per kryerjen e referendumit, ku do te jete populli ai qe do te vendose nese do te kete depozita ta naftes apo jo.