Ngricat bllokojne 5 fshatra ne Shkoder
Ngricat dhe i ftohti kane bllokuar 5 fshatra ne rrethin e Shkodres, ndersa akset nacionale jane te kalueshme me zinxhire. Mesohet se 5 fshatra te se njejtes zone ne rrethin e Shkoders, njeheresh dhe nder zonat me te thella malore, jane izoluar nga debora. Rreth 500 banore te Vermoshit, Shllakut, Lepuroshit, Gjegjanit kane mbetur te bllokuar nga debora, ndersa per fat te mire nuk ka pasur raste urgjente me te semure, apo nevoja te tjera. Sipas te dhenave zyrtare nga Shtabi i Emergjencave Civile prane institucionit te prefektit, mesohet se situata eshte nen kontroll te plote, ndersa sot paradite pritet te zhbllokohet dhe situata ne keto 5 fshatra te thelle malore, te cilet jane problematike gjate stines se dimrit. Ne 24 oret e fundit, qarku i Shkodres eshte perfshire nga i ftohti polar me temperatura shume te uleta, qe kane arritur deri ne -7 grade celsius, si dhe te shoqeruara me reshje debore. Trashesia e debores ne malesite e mbi Shkodres ka arritur deri ne 30 centimetra. Si rezultat i perkeqesimit te kushteve te motit disa akse jane bllokuar si ai Boge-Theth, Vermosh-Selce, Qafe Mali – Kukes, ndersa nje pjese e akseve jane te kalueshme vetem me zinxhire. Ndermarrja e Mirembajtjes se Rrugeve Nacionale ne Shkoder, si dhe firmat qe kane marre me koncesion nje pjese te ketyre rrugeve, kane punuar me mjetet borepastruese, por duke hedhur njeherazi kripe dhe skorie. Ne akset rrugore te rrethit te Pukes kalimi behet me veshtiresi, pasi vende-vende ka ngrica.
Rudina Llazari