I ngarkonte njerëzve kredi false, arrestohet oficeri
Foto Ilustruese
Daut Beu u arrestua pas shtatë denoncimesh për kredi që nuk qenë marrë kurrë.
Oficeri i kreditit të një shoqate kursim-krediti në Kavajë u arrestua nga policia pasi pesë qytetarë denoncuan faktin se rezultonin kredimarrës, ndërkohë që nuk kishin aplikuar kurrë. Daut Beu u arrestua gjatë një operacioni policor të koduar Kredia Fallco.
Shtatë qytetarë të ndryshëm patën denoncuar skemën e mashtrimit në data të ndryshme mes 31 majit dhe 5 qershorit.
Daut Beu ka qenë Oficer i kredisë në unioni shqiptar i kursim-kredit Dega Kavajë, me veprime abuzive dhe duke falsifikuar dokumente ka marrë kredi në emër të qytetarëve të ndryshëm. Kur njerëzit u informuan se rezultonin debitorë, iu drejtuan policisë. Kreditë e falsifikuara varionin nga 200 në 500 mijë lekë. Policia i bën thirrje banorëve të Kavajës, të cilët mund të jenë viktima të tjera të mashtruesit, ti drejohen poolicisë.
24 korrik 2012 (gazeta-Shqip.com)
I ngarkonte njerëzve kredi false, arrestohet oficeri burimi: Gazeta S H Q I P Gazeta Shqip