"I pandreqshmi", 5 here ne pranga

Artan Andoni eshte denuar qe minoren me 6 muaj burg ne Gjermani per "vrasje". Ai u akuzua per vrasjen e nje shtetasi gjerman, por denimi ishte i ulet per arsye te moshes. Me pas eshte denuar ne Itali me 2 vjet burgim per "vjedhje automjetesh", ndersa ne Shqiperi eshte denuar fillimisht me 8 muaj burg per vepren penale te plagosjes se lehte me dashje e me pas me 16 muaj te tjere, per vepren penale te prodhimit e shitjes se lendeve narkotike.
Nje 34-vjecar, nga qyteti i Durresit, ka rene ne pranga per here te peste mbremjen e djeshme. Artan Andoni, banor i lagjes numer 17, ne periferi te qytetit bregdetar, akuzohet se ka tentuar vjedhjen e nje automjeti te parkuar perpara Pallatit te Sportit "Ramazan Njala" te qytetit te Durresit. Burime zyrtare nga Drejtoria e Policise se Qarkut bejne te ditur se ngjarja ka ndodhur rreth ores 18:30 te mbremjes. Ndonese automjeti, tip "Benz", me targa DR 1464 D, prone e qytetarit me iniciale A.C., ishte parkuar ne nje zone te populluar, 34-vjecari nuk ka ngurruar te tentoje vjedhjen. Nje telefonate anonime ne Sallen Operative te Drejtorise se Policise se Qarkut te Durresit ka ngritur ne alarm uniformat blu. Nje patrulle e levizshme e sherbimeve te Komisariatit te Policise se ketij qyteti eshte afruar ne vendin e sinjalizuar. Policia tha se me te pikasur mberritjen e uniformave blu, Andoni ka tentuar te largohet, por ai eshte ndjekur dhe eshte ndaluar nga agjentet. Furgoni i grupit te gatshem e ka derguar ne ambientet e shoqerimit ne policine e Durresit. Rreth ores 22:00, inspektoret e struktures se re te Seksionit Per Krimet Kunder Prones, e krijuar ne janar te ketij viti, vendosen arrestimin ne flagrance te 34-vjecarit. "I pandreqshmi" Andoni eshte denuar qe minoren me 6 muaj burg ne Gjermani per "vrasje". Ai u akuzua per vrasjen e nje shtetasi gjerman, por denimi ishte i ulet, per arsye te moshes. Me pas eshte denuar ne Itali me 2 vjet burgim per "vjedhje automjetesh", ndersa ne Shqiperi eshte denuar fillimisht me 8 muaj burg per vepren penale te plagosjes se lehte me dashje e me pas me 16 muaj te tjere per vepren penale te prodhimit e shitjes se lendeve narkotike. Gjate dy muajve te pare te ketij viti, Seksioni Per Krimet Kunder Prones ka evidentuar ne total 42 vepra penale, nga te cilat ka zbuluar 32 ose 71% te tyre. Nga keto 8 jane vepra penale te ndodhura ne vitin 2007.
K. Jaupaj