I riu shqiptar, arrati ne mes te dites

ATHINE - Prangosja per vjedhje ka deshtuar ndaj nje emigranti shqiptar, i cili pak ore pas renies ne qeli u arratis duke u shpallur ne kerkim policor. Ngjarja ka ndodhur dje paradite ne rajonin e policise se Omonias, ne qender te kryeqytetit grek, Athine. Zyrtaret vendas te policise nuk publikuan emrin e te arratisurit, ne perpjekje per te mos demtuar hetimin dhe ndjekjen e tij, e cila deri mbreme deshtoi. Nderkohe, masa drastike u moren per tre persona nen dyshimet per papergjegjshmeri ne detyre.
Ne oren 09:50 te mengjesit te djeshem, i riu shqiptar gjendej ne rajonin e policise se Omonias. Ai ishte ne proces paraburgimi, ne pritje te vleresimit te mases se sigurise nga gjykata, nen akuzen paraprake te vjedhjes se pasurise se tjetrit. "Grupi policor e kishte vendosur 25-vjecarin shqiptar bashke me shtate te tjere te arrestuar, ne nje nga dhomat e izolimit, ne pritje per ta derguar ne gjykate", deklaruan zyrtaret e policise se Omonias ne Athine. "Ne momentin kur po i nxirrnin nga qelia, i riu ka perfituar nga mungesa e vemendjes se efektiveve dhe ka arritur te shkeputet prej tyre, duke u larguar ne drejtim te paditur", vijon informacioni i rajonit te Omonias. "I dyshuari arriti te zhduket me shpejtesi nga kati i dyte i selise policore dhe duke perfituar nga fakti se nuk kishte pranga ne duar, doli ne rruge duke u zhdukur ne kthesen me te pare".
Policia tha se mori masa te menjehershme per te organizuar ndjekjen e te ikurit. Deshmitaret ne qender te Athines treguan se ne oren 10:00, dhjetera motocikleta vershuan neper rruge ne ndjekje te te arratisurit. "Efektivet e policise se rajonit te Omonias, po i dergonin te dyshuarit ne gjykate, por me pare po i drejtoheshin selise policore te Atikes, ku do te merrnin pranga per tete te arrestuarit", deklaroi nje zyrtar vendas. Ai konfirmoi se lidhur me ngjarjen jane nen hetim dhe u shkarkuan nga detyra, pergjegjesi i rajonit te Omonias, nje polic izolimi dhe nje gardian tjeter. Nderkohe, kerkimet per kapjen e te ikurit ende rezultojne te pasuksesshme.
Ed.Ku