I semure nga stomaku, flijohet duke u varur ne pemen para shtepise

Shkoder- Semundja nga e cila vuante dyshohet se ka qene shkaku i flijimit te nje 60- vjecari nga Shkodra. Ngjarja ka ndodhur mbremjen e se martes, ne lagjen "Ahmet Haxhia", kur familjaret gjeten trupin e pajete te Isuf Mehmetajt, te varur ne pemen e oborrit te shtepise. Burime zyrtare thane se nga hetimi i kryer, rezulton se i ndjeri vuante prej nje semundjeje ne stomak, qe mund te kete nxitur te moshuarin deri ne flijim. Prej disa javesh Mehmetaj ankohej per dhimbje fizike ne pjesen e stomakut, ndersa tek familjaret kishte shkaktuar cudi, sjellja e tij jo e zakonshme. Momente traume kane kaluar te afermit kur zbuluan trupin e varur ne litar, ne kumbullen para shtepise, ndersa ishte ende i nxehte. Per ngjarjen eshte njoftuar edhe Policia e Shkodres, e cila mberriti menjehere ne banese. Me pas trupi eshte derguar per ekspertize ne morg, por gjate keqyrjes nuk ishin vene re shenja te dhunes. Burime policore thane se vdekja ka ardhur nga asfiksia ne organet e frymemarrjes. Nje jave me pare, sipas deshmise se familjareve, Mehmetaj ishte vizituar te mjeku, por nuk kishte treguar asgje nga analizat. Grupi hetimor po verifikon te dhenat per te mesuar se tek cili prej mjekeve eshte vizituar i ndjeri dhe cfare diagnoze ka pasur, per te mesuar me shume rreth shkaqeve dhe rrethanave. Familjaret nuk e kane pritur kete reagim te 60-vjecarit, ndersa diten e djeshme kane kryer edhe ceremonine mortore.

R. Ll.

Precedenti

Tre dite me pare, nje 38-vjecar nga Kolonja e Lushnjes u gjet i vetevarur, ne pemen para shtepise se tij, nga familjaret. Fatmir Halili, baba i kater femijeve, dyshohet se eshte flijuar ne kushte te renda depresioni, te shkaktuar edhe nga gjendja e veshtire ekonomike dhe papunesia.