I sëmuri mendor vetëmbytet në liqenin e Pogradecit

Pogradec, 29 prill, NOA - Një i sëmurë mendor është gjetur i mbytur në liqen pas dy ditësh largimi nga shtëpia dhe kërkimeve të familjarëve të tij.

Lajmi konfirmohet nga burimet policore të Pogradecit, sipas të cilave, i mbyturi rezulton të jetë 61-vjeçari me emrin Koço Stojani, lindur dhe banues në Korçë, ndërsa vendngjarja mësohet të jetë vendi i quajtur Enkelana në Pogradec.

Nga këqyrja e kufomës prej ekspertëve të grupit hetimor, nuk u konstatuan shenja dhune apo dëmtime të tjera me mjete të forta ose të mprehta dhe nga deklarimet e familjarëve, viktima vuante nga sëmundje mendore e se është larguar nga banesa.

Ndërkaq, po kryhen veprimet hetimore proceduriale për veprën penale Shkaktim i vetëvrasjes, parashikuar nga neni 99 i Kodit Penal dhe materialet do ti kalojnë prokurorisë së Pogradecit për hetime të mëtejshme.

n.e/NOA