IFC blen kredite e keqija ne rajon
Ne mbrojtje te sistemit bankar ne vendet ne zhvillim Banka Boterore ka vendosur te investoje 100 milione euro per blerjen e kredive te keqija ne keto vende. Njoftimin e ka publikuar dje IFC pjese e grupit te Bankes Boterore Lindore, e cila ka bere te ditur se, eshte duke punuar sebashku me Värde Partners L.P., nje firme e specializuar per borxhet dhe aktivet e keqija. Projekti i propozuar i bashke-investimit, i cili do te perfshije edhe Shqiperine parashikon 450 milion euro investime ne ekonomite e vendeve te rajonit per t'u rimekembur nga kriza permes trajtimit te problemit te borxheve te keqija dhe aktiveve problematike. Ky projekt per te hequr aktivet problematike nga bilancet e bankave, i miratuar sot nga bordi i IFC-se, ka per qellim te siguroje qe bankat ne keto tregje ne zhvillim te jene ne gjendje te vazhdojne te japin financime per bizneset dhe kredi per konsumatoret, te nxisin veprimtarite ekonomike dhe te krijojne vende pune. Projekti gjithashtu do te kontribuoje per zhvillimin e nje tregu transparent te aktiveve problematike, duke permiresuar keshtu efektivitetin e tregut. Lars Thunell, zv/president Ekzekutiv dhe Krye Punonjesi Ekzekutiv (CEO) i IFC-se, tha: "Evropa Qendrore eshte nje nga rajonet e prekura me shume nga kriza financiare, qe ka cuar ne nje rritje te madhe te kredive te keqija te bankave. Permes investimit ne keto kredi te keqija, ne mund t'i ndihmojme bankat qe t'i rishperndajne aktivet e tyre ne ekonomi, duke i dhene nje shtyse rimekembjes ekonomike dhe krijimit te vendeve te punes". Kjo strategji bashke-investimi ben pjese ne Programin e Rikuperimit te Borxhit dhe te Aktiveve, i bere publik nga IFC-ja gjate mbledhjeve vjetore te Grupit te Bankes Boterore ne 2009. Ky program mbeshtet stabilitetin dhe rritjen reale dhe financiare permes ndihmes per pastrimin e aktiveve te keqija, duke i lejuar bizneset dhe bankat te riperqendrohen ne veprimtari prodhuese. IFC-ja eshte i vetmi institucion financiar nderkombetar i perqendruar ekskluzivisht ne sektorin privat, motori i zhvillimit te qendrueshem ne tregjet ne zhvillim. Se bashku me Banken Nderkombetare per Rindertim dhe Zhvillim (IBRD), aktualisht, ajo po kerkon te siguroje rritjen e kapitalit per forcimin e aftesive te saj, per te krijuar mundesi per te varfrit ne vendet ne zhvillim, duke perfshire edhe trajtimin e problemit te aktiveve problematike.