INSTAT: Ndertimet, lejet ne rritje, por jo “boom” si me pare Eglantina Nasi
Ne Shqiperi vazhdojne te kryhen ndertime te reja edhe pse, jo me ritmet e larta progresive te disa viteve me pare. Kjo dukuri konfirmohet nga te dhenat me te fundit te Institutit te Statistikave, sipas te cilave, lejet e ndertimit miratuar per ndertesa te reja kane shenuar nivele rritese gjate vitit te kaluar. Konkretisht, ato referojne se vetem ne tremujorin e trete 2012, ne total ne rang vendi, organet kompetente kane akorduar 37 leje te tilla. Tregues ky, i cili ne tremujorin e dyte ka qene vetem 18 te tilla, apo 19 ne tremujorin e pare. “Krahasuar me tremujorin e dyte 2012, ky tregues eshte rritur me nivelin prej 105.5%”, pohojne lidhur me fakt, ekspertet e INSTAT-it. Duke folur keshtu per nje trend pozitiv te leshimit te lejeve, per qellime ndertimi gjate vitit te kaluar 2012. Por nga ana tjeter, ajo qe bie ne sy mes te dhenave statistikore te publikuara se fundmi nga INSTAT-i, eshte gjithashtu edhe fakti se ato te vitit te kaluar 2012, kane qene disa here me te uleta ne krahasim me lejet e ndertimit te akorduara ne vitin pararendes, 2011. “Krahasuar me njejten periudhe te vitit te kaluar, ky tregues eshte ulur ne nivelin prej -87%”, citojne ekspertet e INSTAT-it mbi kete dukuri. Konkretisht, vetem gjate tremujorit te katert te vitit 2011, numeroheshin ne total 670 leje ndertimi te dhena ne rang vendi dhe 285 te tilla, nje tremujor me pare. Duke folur qarte per ekzistencen e nje “boom”-i ne sektorin e ndertimit si te tille, fillesa e te cilit nis pikerisht nga lejet e akorduara per ndertesa te reja. Nderkaq, gjithmone referuar te dhenave te Institutit te Statistikave, konstatohet se pas kesaj periudhe “te arte” aktiviteti i ndertimit si i tille, po nis te shfaqe shenja te renies se tij. “Aktiviteti i ndertimit ne tremujorin e trete te vitit 2012 pati nje renie me nivelin prej -16.5% krahasuar me tremujorin e trete te vitit 2011”, citojne ekspertet e INSTAT-it. Duke shtuar se gjithsesi, ky sektor, me gjithe kete renie te dukshme vjetore, gjate muajve te vitit te kaluar edhe pse nuk pati nje rritje te konsiderueshme, te pakten nuk arriti te shenoje nivele negative. “Aktiviteti i ndertimit ne tremujorin e trete te vitit 2012 pati nje rritje prej 1.4% krahasuar me tremujorin e dyte te vitit 2012”, pohojne me tej ekspertet e INSAT-it.