"Ibra? Shpresoj të luajë kundër nesh"

Masimo Morati mbështetet te Samuel Eto për ndeshjen e së martës në Barcelonë. Numri një zikaltër ka rrëfyer se e ka mendjen tashmë te ndeshja e Champions në "Kamp Nou" ndaj kampionëve në fuqi të Europës. Faktit se kjo sfidë do të jetë decizive për Barcelonën, Morati i përgjigjet: "Jo, nuk do të jetë decizive për ne. Nëse humbasim jemi të detyruar të fitojmë në ndeshjen pasardhëse dhe nuk dëshirojmë të luajmë kualifikimin në 90‘ minutat e fundit". Është shumë e mundshme që Ibrahimoviç të mungojë në këtë ndeshje. "Ibra bën pjesë tek ata kundërshtarë të fortë që duhen përballuar me përqendrim të madh, ndaj dua ta shikoj në fushë ndaj nesh".