Ibra? Sigurisht kushton më shumë se Kakà

Milano - Ibrahimoviç nga Interi largohet vetëm me çmimin e duhur. Kjo ishte edhe fraza e administratorit të deleguar të klubit zikaltër, Ernesto Paolilo, i cili konfirmon politikën e Interit për sulmuesin suedez: të kënaqur nëse qëndron, të pasur në se largohet.

Sepse sipas Paolilos, çmimi i Zllatanit është rekord: ''Kushton më shumë se Kakà. Vlera e tij i afrohet asaj që Reali i Madridit pagoi për Kristiano Ronaldon''.

Sigurisht që një shitje e tillë do t’i mundësonte ekipit zikaltër një ekuilibër të rëndësishëm financiar.