Ibra Sulmi me i mire eshte mbrojtja
Futbollisti suedez beson se kuqezinjte mund te luajne me kater sulmues
Tifozet e Milanit kane filluar te enderrojne qe tani morine e golave qe djalli do te shenoje kete sezon. Ibrahimovic dhe Robinho jane dy emrat e fundit qe kane mberritur ne Milano gjate merkatos se veres. Sulmuesit qe mberriten ne Itali gjate diteve te fundit te gushtit shihen si dy lojtare qe do ti japin scudetton ekipit te Silvio Berlusconit. Tashme me ardhjen e dy sulmuesve ne Itali besohet se Interi nuk do te dominoje me Serine A ashtu sic bente vite me pare pasi cilesite e lojtareve ne fjale kane arritur qe te mbushin ate boshllek qe ndante dy skuadrat e Milanos.
Dilema e Allegrit
Trajneri i Milanit Allegri tashme ka ne dore nje loder mjaft te veshtire per te drejtuar. Ish-tekniku i Cagliarit tundohet nga deshira per te hedhur ne fushe te gjithe sulmuesit me peshe qe disponon Ibrahimovic Pato Robinho e Ronaldinho edhe pse kjo zgjedhje mund te rezultoje fatale ne fushe pasi do te prisheshin ekuilibrat taktike te skuadres. Me pak fjale asnjeri prej 4 fantastikeve nuk i premton trajnerit qe do te ndihmoje ekipin ne manovren mbrojtese. Dhimbjen e kokes se Allegrit ia shtojne edhe deklaratat e qendersulmuesit Zllatan Ibrahimovic qe gjate nje interviste te dhene dje tregoi se nuk i intereson aspak ekuilibri i skuadres. Sipas tij e rendesishme per Milanin eshte te shenoje nje gol me shume sesa kundershtari.
Sulmi eshte mbrojtja me e mire
Per kete fakt shtatlarti suedez u bashkohet shokeve te repartit Pato e Robinho kur thote se ekipi i Berlusconit mund te luaje edhe me kater sulmues. Nga qendra stervitore ku pergatitet me ekipin e Suedise Ibra betohet se Milani do te gjeje sukses nese do te kete nje skuder sulmuese. Nuk e di se si do te luajme por mendoj se kjo eshte nje zgjidhje e mire - tregoi shtatlarti ne nje interviste per Gazzetta dello Sport. - Sulmi gjithmone eshte mbrojtja me e mire. Kjo eshte filozofia ime. Me tej suedezi nenvizoi faktin se ka shkuar tek Milani vetem per te fituar shume tituj perfshi ketu edhe Ligen e Kampioneve qe eshte ne projektin e kesaj skuadre per kete vit dhe qe e ka pare teksa e kane fituar skuadra qe nuk ka menduar se do te kishin sukses. Ne kete pike topi i kalon Allegrit. Tekniku tashme duhet qe te beje te mundur qe ekipi i tij te ece mire ne te tre kompeticionet ku do te marre pjese. Kete gje Milani duhet ta beje me stil pasi presidentit Berlusconit i pelqen loja e bukur dhe spektakli. Ish-tekniku i Cagliarit nuk duhet te ndjeke rrugen e paraardhesve te tij Ancelotti dhe Leonardo qe shpeshhere nuk plotesonin deshiren e presidentit dhe rreshtonin ne fushe nje skuader mbrojtese duke shperfillur keshillat e presidentit. Mbase Allegri tashme duhet ti vere veshin keshilles se Ibras...