Ibra kacafytet me Nenen

Tension në Paris Saint-Germain. Sipas të përditshmes franceze Le Parisien, në stërvitjen e së mërkurës ka ndodhur një kacafytje mes sulmuesve Zlatan Ibrahimovic dhe Nene.

Gjatë një ndeshjeje mes skuadrës, ish sulmuesi i Milanit, përforcim i ardhur në klub më herët gjatë këtij afati kalimtar të verës ka pësuar një ndërhyrje të ashpër nga ana e brazilianit.

Këtu erdhi deri te përplasja mes tyre dhe u nevojit ndërhyrja e futbollistëve të tjerë për ti ndarë ata. PSG, pavarësisht përforcimeve të bëra këtë verë ende nuk ka arritur të shënojë fitore pas tri xhirove në Ligue 1.