Iken kater dite nga burgu, vjedh 80 mije euro
Merr leje nga burgu qe te vjedhe 80 mije euro, se bashku me nje studente dhe babane e tij. Ka ndodhur ne Tirane, kur Klodian Meraja, 23 vjec, nga Korca, i denuar per vjedhje, ka marre kater dite leje per sjellje te mire qe te kryente vjedhjen se bashku me babane e tij, nje studente si dhe nje tjeter 23-vjecar, i cili ishte denuar disa here per vjedhje dhe arme pa leje. Burimet e policise thane se tri dite me pare, eshte marre informacioni per vjedhjen me thyerje te baneses se administratorit te nje firme mermeri, e ndodhur ne fshatin Tufine. Pas marrjes se denoncimit eshte ngritur nje grup hetimi i drejtuar nga zv. prokurori i Tiranes, ne bashkepunim me policine. Pas kesaj uniformat kane bere te mundur identifikimin dhe kapjen e autoreve te dyshuar, te cilet ishin te fshehur ne ambientet e nje banese te ndodhur ne Malin e Robit (prane kompleksit turistik Mak - Albania ne Durres). Policia tha se ne pranga jane vene Klodian Meraja, 23 vjec, lindur ne Korce e banues ne Tirane, i proceduar disa here per vepren penale te "vjedhjes". Meraja vuante denimin prane Burgut te Shen-Kollit dhe pasi kishte marre leje per sjellje te mire, prane ketij institucioni perreth 4 dite, eshte larguar me synim per te realizuar kete vjedhje. Gjithashtu eshte arrestuar dhe Jashar Meta, 23 vjec, i proceduar disa here per akuzat e "armembajtjes pa leje" dhe "vjedhje me dhune". Por, ne pranga ka rene dhe nje studente, Aferdita Lela, 21 vjece, nga Tirana, se bashku me Lefter Xerozi, 50 vjec, babai i Merajas. Gjate hetimeve, policia ka dokumentuar vjedhjen e baneses se ndodhur ne fshatin Tufine, te cilet ne bashkepunim midis tyre dyshohet te kene realizuar grabitjen e shumes se parave prej 80 mije euro, ne pronesi te administratorit te firmes mermeri. Ne lidhje me kete vjedhje, po hetohet ne gjendje te lire dhe Elsa Kaja, 21 vjece, studente prane Fakultetit te Shkencave Sociale ne Tirane. Gjate kontrolleve, policia ka bllokuar dhe nje makine "BMV" me targa TR 2747 H si dhe shuma e parave prej 2 milione, valute e huaj dhe shqiptare.