Ilacet stoqe, te hetohet Ndoka

TIRANE - Zevendesministri i Jashtem, Anton Gurakuqi, njekohesisht dhe kryetar i Partise Demokristiane, ka deklaruar nje dite me pare, se po i kerkon Prokurorise se Pergjithshme qe te nise hetimet kryesisht per skandalin e ilaceve stoqe. "Nisur nga ato cfare jane thene ne media, nisur nga deklaratat publike te drejtuesve te Ministrise se Shendetesise, po i kerkoj organit qendror te akuzes, Prokurorise se Pergjithshme, te nise kryesisht hetimet dhe per t'i treguar shqiptareve nese ka pasur apo jo abuzime dhe kush do te pergjigjet per to. Perderisa flitet per abuzime me fondet e taksapaguesve shqiptare, atehere une si njeri prej tyre, jane i interesuar te di nese keto fonde jane abuzuar apo jo", u shpreh dje Gurakuqi. Ky i fundit eshte shprehur dje se, "prej disa kohesh opinioni publik po furnizohet me lajme te paverteta dhe krejtesisht dashakeqese ndaj figures sime nga Nard Ndoka. Prej disa kohesh ky i fundit ka ndermarre nje fushate shpifjesh ndaj meje". Gjate fjales se tij, Gurakuqi tha se, "prej disa kohesh, Ndoka me akuzon mua personalisht se po ndertoj nje pallat pa leje ne qytetin e Shkodres, nje deklarate kjo e cila jo vetem eshte shpifje, por ka cenuar edhe imazhin, ka demtuar ndjeshem te ardhurat e mia. Ne keto kushte, jam i detyruar ti drejtohem gjykates per te kerkuar demshperblimin financiar prej 1 milion eurosh nga Ndokes". Sipas Gurakuqit, "Ndoka duhet te gjeje kurajon dhe te sqaroje opinionin publik per te gjitha akuzat qe jane ngritur ne media, jane artikuluar per te, ne lidhje me abuzimet ne sistemin e shendetesise gjate kohes qe per fatin tone te keq, ai ka qene minister. Po ja kerkoj nje gje te tille, pasi nga ministria aktuale e Shendetesise ka publikuar shifra marramendese abuzimesh, qe nese rezultojne te verteta, nuk e kane vendin ne politike".

Denoncimi nga Ministria

Ministra e Shendetesise, Anila Godo, ka deklaruar disa dite me pare skandalin me tenderet e ilaceve dhe medikamentet stok ne depot e Qendres Spitalore. Jo vetem kaq, por ilacet e teperta kishin sjelle probleme me zera te tjere medikamentesh qe i mungonin spitaleve ne rrethe. Pergjegjesia per kete situate i ra ish-ministrit Nard Ndoka dhe vartesve te tij per keq menaxhimin e spitaleve. Prokuroria e Tiranes ka deklaruar se nuk kishte pasur denoncim per tenderet dhe ilacet stok.