Imami: Ne vitin 2014, Flote Ajrore per perballimin e emergjencave civile

Ministri i Mbrojtjes Arben Imami, premtoi dje se ne vitin 2014, Shqiperia do te kete nje Flote Ajrore te modernizuar, qe perballon me sukses Emergjencat Civile. Para deputeteve ne Komisionin e Sigurise, ku diskutoheshin ndryshimet ne ligjin “Per miratimin e kontrates se lidhur, ndermjet Ministrise se Mbrojtjes se Republikes se Shqiperise dhe shoqerise “EUROCOPTER”, per furnizimin me 5 helikoptere te mesem shume rolesh”, Imami tha se blerja e ketyre helikoptereve rrit ndjeshem kapacitetet e FA-se. “Ne nisemi nga standardet buxhetore qe ka vendi yne, por ne vitin 2014, Shqiperia do te kete nje Flote Ajrore, e cila do te perballonte pa ndihmen e vendeve mike, nje emergjence civile si ajo e muajit janar apo e muajit dhjetor 2010 ne qytetin e Shkodres”, theksoi ministri. Sipas Imamit, me kete flote qe po krijohet, do te perballohen emergjencat civile ne vend. “Mundesite tona buxhetore jane per te blere 5 helikoptere dhe sigurisht me keto kapacitete, si dhe me profesionalizmin dhe me ndjenjen e sakrifices qe kane ushtaraket e Forcave tona te Armatosura, une mendoj se do te perballohet me sukses cdo emergjence”, nenvizoi ministri Imami. Sipas tij, duke analizuar ecurine e zbatimit te kontrates dhe ngarkeses qe ajo jep ne buxhetin e shtetit, doli ne perfundimin se kontratat do te ishte e veshtire te realizohej sipas fazave te percaktuara ne kushtet fillestare. Per kete arsye, Ministria e Mbrojtjes, i propozoi kompanise “EUROCOPTER” disa ndryshime ne kontrate, ndryshime te cilat nuk prekin vleren e pergjithshme te kontrates dhe as cilesine e konfigurimit te helikoptereve. Ne kete mbledhje u diskutua gjithashtu edhe per trajnimin dhe trajtimin financiar te ekuipazhit qe do te perdore keta helikoptere moderne, ne menyre qe projekti te jete i suksesshem jo vetem ne blerjen e tyre por edhe ne mirembajtjen dhe mirefunksionimin e tyre gjate periudhes 25 vjecare qe parashikohet edhe ne ligjin shqiptar.