Sesioni parlamentar, mbyllet me ndryshimet ne buxhet

Ne muajin e fundit te ketij sesioni parlamentar, Kuvendi do te merret intensivisht me ndryshimet ne buxhetin e shtetit. Ne Konferencen e Kryetareve te mbledhur diten e djeshme, u miratua kalendari per shqyrtimin dhe miratimin e projektligjit “Per disa ndryshime ne ligjin “Per Buxhetin e vitit 2011”. Sipas kalendarit te punimeve te Kuvendit, ndryshimet ne buxhetin e shtetit do te diskutohen dhe votohen ne parim qe ne seancen e neserme plenare. Me pas, ne teresi, ndryshimet e bera do te diskutohen ne Komisionet Parlamentare te Kuvendit nga data 8 deri ne 12 korrik. Nje votim perfundimtar per ndryshimet ne buxhet, do te behet te enjten e ardhshme me 14 korrik. Projekti per ndryshimet e buxhetit te shtetit u miratua vetem pak dite me pare ne mbledhjen e qeverise. Ne te parashikohen rritja e pagave dhe pensioneve ne vend si dhe ulje te shpenzimeve te administrates. Serish dje vendimi per miratimin e kalendarit te punimeve te Kuvendit, u morr vetem nga mazhoranca ne mungese te perfaqesuesve te opozites, qe vijojne bojkotin ndaj te gjitha komisioneve parlamentare dhe Kuvendit.