Imbruglia: “X Factor është fillimi im i ri”

Natalie Imbruglia ka zbuluar që me padurim pret rolin e saj të ri në “The X Factor Australia.”
Këngëtarja australiane, më shumë e njohur për këngët si “Torn” dhe “Big Mistake” tha që nuk e di nëse do t’i rikthehet industrisë së muzikës pasi që të jetë drejtuese në një reality show.
Imbruglia tha: “Unë vendosi vet se si ndihem. The X Factor është duke më dhënë hapësirë që të marr vendim se si do të vazhdoj – ose nëse do të vazhdoj. Ups. A më rrëshqiti kjo? Do të shohim. Kam vënë çdo gjë në pritje që ta bëjë këtë show. Do të më duhet pak kohë që të kuptoj.”
Për klimën aktuale në muzikë ajo tha: “është shumë vështirë. Nuk ka shumë para në industri. Ata nuk dëshirojnë të paguajnë për fushata. Ka pasur shumë frustrime derisa jam përpjekur të publikojë disqet e mia dhe këtë gjë ta bëj në mënyrën se si unë dua.” 
“Jam e lumtur që jam duke punuar në “X Factor”. Më pëlqen ta bëjë këtë show." Kjo është puna e ëndrrave të mija.”
Kolegët tjerë të Imbruglias në show do të jenë këngëtarët Ronan Keating dhe Guy Sebastian, si dhe personaliteti i radios, Kyle Sandilands.