Inaugurohet ura e re te Shkolla Teknologjike

Çelet për të gjithë automjetet dhe këmbësorët ura e re në Lanë, pranë Shkollës Teknologjike. Pas një pune intensive dhe voluminoze, rindërtimi i plotë i kësaj ure, e njohur si një nyje strategjike për lehtësimin e trafikut, përfundoi 4 muaj para afatit të përcaktuar. Rikonceptimi i këtij udhëkryqi të rëndësishëm do t’i japë një frymëmarrje të re kalimit të automjeteve, por njëkohësisht është dhe një shembull i vlerësueshëm i përkushtimit që Bashkia e Tiranës ka ndaj përmirësimit të infrastrukturës rrugore në kryeqytet.