Incident ne kufirin me Maqedonine policia shqiptare mohon ngjarjen
Artan CENA - Nje incident me arme eshte shenuar mengjesin e djeshem ne kufirin mes Shqiperise dhe Maqedonise. Disa gjuetare shqiptare kane hyre ne menyre ilegale ne token maqedonase. Per kete shkak policia kufitare maqedonase ka reaguar me arme. Sipas medias se shtetit fqinj dy gjuetare jane kapur ndersa disa te tjere jane larguar duke mos u ndaluar. Per kete ngjarje nuk ka nje reagim zyrtar nga Policia e Maqedonise. Por mesditen e djeshme ka reaguar Policia Shqiptare. Ne nje njoftim per mediat Policia e Shtetit ka bere te ditur se nuk ka pasur perplasje ne kufi. Ajo ka sqaruar se dy gjuetare nga Pogradeci kane hyre ne menyre te rastesishme ne territorin maqedonas. Policia tha se nuk ka pasur krisma armesh dhe se dy shqiptaret ndodhen ne piken e kalimit kufitar.
NGJARJA
Te shtena armesh jane regjistruar mengjesin e djeshem rreth ores 0630 ne afersi te vendkalimit kufitar Shen Naum ne kufirin Maqedoni-Shqiperi. Mediat maqedonase flasin per shkembim zjarri mes policise kufitare dhe nje grupi gjuetaresh shqiptare te cilet kishin hyre ne token maqedonase. Nga ana e saj policia shqiptare nuk e konfirmon shkembimin e zjarrit por sqaron se ka pasur te shtena ne ajer nga ana e policise maqedonase. Sipas policise se Pogradecit behet fjale per nje grup gjuetaresh te cilet kishin hyre pa leje ne territorin fqinj. Media maqedonase raporton per dy shqiptare te ndaluar si te dyshuar per pjesemarrje ne incident. Nga ana e Policise shqiptare konfirmohet se dy te ndaluarit jane gjuetare nga rrethinat e Pogradecit por nuk jepen identitetet e te ndaluarve.
POLICIA E SHTETIT
Por me ane te nje deklarate Policia e Shtetit pergenjeshtroi lajmin. Zedhenesja e Policise se Shtetit Klejda Plangarica beri te ditur dje se rreth ores 0600 te mengjesit ne vijen e kufirit ne zonen Alarup-Mal i Thate shtetasit Iliaz Xhemollari dhe Artan Tabaku banues ne Pogradec teksa kishin dale per gjueti jane konstatuar nga patrulla e policise maqedonase qe ka bere dhe ndalimin e tyre te cilet nuk kane bere asnje rezistence. Ne vendngjarje kane shkuar patrullat e Drejtorise Rajonale te Kufirit dhe Migracionit Korce te cilat kane kryer dhe verifikimet perkatese. Zedhenesja tha se nga verifikimet e kryera rezulton se nuk ka pasur shkembim zjarri. Dy shtetasit shqiptare gjenden ne qytetin e Ohrit ne Maqedoni ne piken e kalimit kufitar te Shen Naumit nderkohe qe per sqarimin e plote te rrethanave pasditen e djeshme eshte zhvilluar nje takim mes perfaqesuesve te Policise Kufitare shqiptare dhe asaj maqedonase tha dje zyrtarisht Policia e Shtetit Shqiperi.
23 Tetor 2010