Infermieret ne proteste, refuzojne mjekimet
Arrestimet e bluzave te bardha kane sjelle reagimin e kolegeve te tyre te spitalit te Korces, te cilet kane filluar mengjesin e djeshem nje proteste pa afat, ne mbrojte te tyre. Ne kete proteste, qe filloi prej ores 09:00, eshte perfshire personeli i mesem mjekesor i te gjithe reparteve te spitalit te Korces. Ata i kane cilesuar te padrejta arrestimet e kolegeve te tyre, perderisa ende nuk eshte zbardhur se cili ka qene shkaku i vertete i vdekjes se femijes dhe deri ne cfare mase, eshte pergjegjesia e personelit te mesem per rastin ne fjale. Personeli i repartit te kirurgjise, ka vleresuar perkushtimin dhe profesionalizmin e kolegeve te tyre, duke u shprehur se femijes i eshte dhene ndihma e plote mjekesore. Infermieret u shprehen se pergjate dy viteve te fundit, ne asnje rast nuk eshte perdorur serumi antivipera dhe mungesen e ketij serumi e kane zevendesuar me mjekime te tjera alternative. Ata pretenduan se zbatojne vetem urdhrat e mjekeve. Personeli i mesem ne spitalin e Korces, eshte shprehur i vendosur per te vazhduar protesten deri ne lirimin e kolegeve.