Inflacioni që nuk llogaritet

Indeksi i çmimeve të Konsumit monitoron ecurinë e mallrave kryesore, por jo të të gjitha mallrave, gjë që i ka shtyrë disa ekspertë të kërkojnë rishikimin e shportës, në përshtatje me kushtet e reja. Kështu, IçK-ja nuk mat koston që një pjesë e familjeve shqiptare kanë nga luhatja e interesave të kredive konsumatore apo të kredive me kolateral për prona të patundshme. IçK-ja nuk mat as koston e përgjithshme të blerjes së apartamenteve apo të kredive në euro për apartamentet. Kështu, gjatë vitit të fundit, një numër i konsiderueshëm familjesh shqiptare janë përballur me shtrenjtimin e kostos së kredive për shtëpi të marra në euro, por ky inflacion nuk është matur e nuk është pasqyruar në indeksin zyrtar të çmimeve të konsumit.