Inspektorati Ndertimor, qeveria vendos funksionimin e ri
Ne mbeshtetje te nenit 100 te Kushtetutes, te nenit 8, te Ligjit nr. 9780, date 16.07.2007, "Per inspektimin e ndertimit", dhe te nenit 10, te Ligjit nr. 9000, date 30.01.2003, "Per organizimin dhe funksionimin e Keshillit te Ministrave", me propozimin e ministrit te Puneve Publike, Transportit dhe Telekomunikacionit, Keshilli i Ministrave vendosi qe: Inspektorati Ndertimor e Urbanistik Kombetar eshte institucion qendror, buxhetor, person juridik, publik, ne varesi te MPPTT-se. INUK-ja e shtrin veprimtarine ne te gjithe territorin e Shqiperise, nepermjet Deges se Inspektoratit Ndertimor e Urbanistik, Tirane; deges ne Vlore; deges ne Sarande; deges ne Korçe; dega ne Kukes; deges ne Shkoder; deges ne Gjirokaster dhe deges ne Durres. INUK-ja drejtohet nga kryeinspektori, i cili emerohet, lirohet dhe shkarkohet nga kryeministri, me propozimin e ministrit perkates. Sipas ketij vendimi Kryeinspektori organizon dhe drejton te gjithe veprimtarine e INUK-se dhe pergjigjet para ministrit dhe marredheniet e punes te punonjesve te INUK-se rregullohen me Ligjin nr. 7961, date 12.07.2005, "Per Kodin e Punes se Republikes se Shqiperise".
HEC-et lokale, qeveria vendos dhenien me koncesion
Ne mbeshtetje te nenit 100 te Kushtetutes si dhe te Ligjit nr. 9663, date 18.12.2006, “Per koncesionet”, me propozimin e ministrit te Ekonomise, Tregtise dhe Energjetikes, Keshilli i Ministrave vendosi: dhenien me koncesion te disa hidrocentraleve lokale. Autoriteti kontraktues per kryerjen e procedurave ligjore, per dhenien me koncesion, te formes “BOT” (Ndertim, Operim dhe Transferim), te ketyre hidrocentraleve do te jete ministria e Ekonomise, Tregtise dhe Energjetikes. Sipas ketij vendimi miratohet bonusi prej 9 per qind te pikeve, per rezultatin teknik dhe financiar, ne proceduren konkurruese perzgjedhese (propozim i pakerkuar), qe i jepet shoqerise “Griald” sh.p.k, per hidrocentralin “Bele 2” dhe per shoqerine "Koja"sh.p.k, per hidrocentralin “Tujan”.
Gjithashtu i jepet bonusi prej 8 per qind te pikeve per hidrocentralin “Veleshica 1”, shoqerise “Finage” sh.p.k, si dhe 8.5 per qind te pikeve per hidrocentralin “Holte”, shoqerise “Ibrahimi” sh.p.k. Ministria e Ekonomise, Tregtise dhe Energjetikes ngarkohet per zbatimin e ketyre vendimeve.
13 Dhjetor 2007