Tatimet bashkepunojne me Posten per pagesat e taksave
Drejtorja e Pergjithshme e Tatimeve, Gerta Picari dhe kreu i Postes shqiptare, Arqile Gorea, nenshkruan nje memorandum bashkepunimi me qellim lehtesimin e procedurave te biznesit ne pagimin e detyrimeve fiskale. Sipas Picarit, memorandumi i bashkepunimit konsiston ne krijimin e lehtesive per biznesin shqiptar. Ne baze te ketij memorandumi, nepermjet Postes Shqiptare do te behet e mundur shperndarja e formulareve neper rrethe per biznesin, per pagimin e çdo lloj detyrimi tatimor. "Biznesi do te kete formularet per pagimin e detyrimeve qe ne fillim te muajit, ne adresat e parashkruara dhe ne rast te mosmarrjes se formularit ai mund te terheqe ate prane degeve te Postes ne rrethe",- u shpreh Picari. Pas nenshkrimit te ketij memorandumi, biznesi do te kete tre menyra per t'u njohur dhe paguar detyrimet qe ka, nepermjet pageses on-line, prane degeve te Tatimeve ne rrethe, si dhe Postes Shqiptare. Prej kohesh, per subjektet e TVSH-se, te regjistruar prane Deges se Tatimeve Tirane, mundesohet shkarkimi i formulareve te deklarimit dhe pageses se TVSH-se, TAP-it dhe Sigurimeve shoqerore e shendetesore.
Sipas Picarit, synimi eshte qe ne nje te ardhme jo te larget te gjithe pagesat me deklarim te behen "on-line", duke iu shmangur burokracive administrative dhe duke reduktuar ndjeshem kohen e biznesit.
13 Dhjetor 2007