Inspektorati i Punes, bashkepunim me Shendetesine

Qeveria percakton me vendim te posacem, bashkepunimin mes inspektoratit te punes me institucionet ne varesi te Ministrise se Shendetesise. Sipas vendimit te qeverise, Inspektorati Shteteror i Punes bashkepunon me institucionet ne varesi te Ministrise se Shendetesise dhe, konkretisht, me Institutin e Shendetit Publik dhe Inspektoratin Shteteror Sanitar, per hartimin e programeve te punes per organizimin e kontrolleve te perbashketa. Po keshtu, bashkepunimi do te jete edhe per shkembimin e informacionit ne rastet e konstatimit te shkeljeve te legjislacionit qe nuk mbulohen nga institucioni qe kryen kontrollin apo edhe denoncimin e rasteve te aksidenteve ne pune, si dhe te semundjeve profesionale nga sistemi i sherbimit shendetesor, shteteror dhe privat. Bashkepunim mes paleve sipas vendimin te marre dje nga ekzekutivi, do te kete edhe ne kryerjen e trajnimeve te perbashketa per kualifikimin e specialisteve dhe te inspektoreve si dhe kryerjen e studimeve per ceshtje te perbashketa ne fushen e sigurise dhe te shendetit ne pune. Nderkohe qe institucionet do te bashkepunojne gjithashtu edhe per hartimin dhe zbatimin e projekteve, qe synojne permiresimin e sigurise dhe te shendetit ne pune te punemarresve. Veprime qe do te monitorohen nga Ministria e Punes, Ceshtjeve Sociale dhe Shanseve te Barabarta dhe Ministria e Shendetesise.