Inspektoret zbarkojne ne Apel

Redinalda Caushaj
Ministria e Drejtesise zbarkon ne Gjykaten e Apelit per kontrollin e 600 dosjeve te gjykuara. Prej tre ditesh, ne kete institucion ka nisur inspektimi nga Inspektorati i ministrise. Shkak eshte bere edhe premtimi i kreut te dikasterit, Enkelejd Alibeaj, disa jave me pare, ne lidhje me abuzimet e permendura ne analizen vjetore te kesaj gjykate. Ne vemendje te inspektoreve jane zvarritjet e proceseve gjyqesore, si dhe zbardhja e vendimeve nga ana e 12 gjyqtareve, te cilat, sipas ministrit, "zgjasnin deri ne 7 muaj e 23 dite ne shpalljen e tij".
Inspektimi
Kontrolli nisi menjehere pas akuzave publike te ministrit te Drejtesise, i cili nuk ngurroi te akuzonte direkt gjyqtaret e Apelit per vonesat e pajustifikueshme ne zbardhjen e vendimeve. Sipas Alibeajt, behet fjale perreth 600 dosje, qe kane pasur neper duar keta 12 gjyqtare dhe ku mendohet se ka abuzime ne dhenien e vendimit e shkelje te renda. Te dhenat deklarohet se jane marre nga Gjykata e Apelit, e konkretisht nga zyra e kancelarise. Pikerisht per kete arsye, edhe vete inspektoret e kane nisur kontaktin e pare me kancelaret, tri dite me pare, duke perfshire edhe Apelin e Krimeve te Renda. Sipas ministrit, "kontrolli do te vazhdoje dhe akuzat e bera ne analizen vjetore te gjykatave te dy niveleve ne kryeqytet, nuk kane qene te pabaza". Pas kontrollit qe do te kryhet ne te dy gjykatat ne Tirane, do te behet dhe publikimi i fakteve te deklaruara edhe gjate analizes. Kontrolli do te zgjase per disa jave dhe ne site do te kalojne te gjitha vendimet e dhena nga gjyqtaret.
Ankesat
Ky inspektim ka vlere jo vetem per gjyqtaret e Apelit, por edhe per vendimet e dhena nga koleget e tyre te Krimeve te Renda. Disa prej gjyqtareve kundershtuan pergjate analizes dhe pas saj akuzat e drejtperdrejta te ministrit. Por, sipas Alibeaj, "te gjitha rezultatet e kontrollit ne Gjykaten e Apelit, do te behen publike per median, sapo kontrolli te perfundoje". Sipas burimeve zyrtare, shkak per kete kontroll nga ana e Ministrise se Drejtesise jane bere edhe ankesat e qytetareve per vendimet e gjyqtareve. Ankesa mesohet se ka pasur edhe nga subjekte te ndryshme, qe kane humbur edhe te drejten per ankim ne Gjykaten e Larte, si pasoje e vonesave te shpalljes se vendimeve.