Inspektoriati i Pasurive, betohet sot kreu i ri

Kryetari i ri i Inspektoriatit te Larte te Deklarimit te Pasurive, Adriatik Llalla do te betohet sot ne Pallatin e Brigadave per detyren e re. Ne nder te tij, do te zhvillohet dhe ceremonia perkatese, ku Llalla do te beje dhe betimin per detyren e rendesishme te marre, ne zbardhjen e pasurive te te gjithe zyrtareve te larte te shtetit. Llalla u zgjodh me konsensus te gjere politik vetem pak dite me pare ne Kuvend. Ai mori mbeshtetjen e te gjitha forcave politike. Kreu i ri do te zevendesoje Fatmira Laskaj qe prej pese vitesh drejtoi Inspektoriatin e Larte te Deklarimit dhe Kontrollit te Pasurive. Gjate mandatit te saj, jo pak zyrtare te larte te shtetit u kallezuan penalisht ne Prokurori per fshehje te pasurise apo mos justifikim te saj.